Search Results: easycom

• Deri kur firma "Acromax" (Arkivashqip) do vazhdojë me manipulime në YouTube?

  Aug 17, 2015 by Admin / 1,190 Views

  Deri kur firma  mashtruesi Aldor Nini nga kompania "Acromax" (Arkivashqip) do vazhdojë me manipulime në YouTube?

  Përveç manipulimeve të cilat i bën duke keq përdorë të drejta autoriale për të cilat është dënuar disa herë në Gjermani dhe Tiranë, kjo firmë me pronar Aldor Nini dhe Anxhela Faber vazhdimisht keq përdorë monopolin në YouTube duke
  suspenduar kanalet e konkurrencës përmes letrave të dërguara anonimisht Googles për suspendimin e kanaleve!

  Së fundmi para disa ditëve suspendoj kanalin e emisionit "Vikendi RTK" dhe 8 kanale tjera që ishin nën menaxhimin e kompanisë "BESFORT VIDEO M1" !

  Këto janë kanalet te cilat ia suspendoj para disa ditëve:
  "chibis4music" "chibis4film" "chibis4humor" "chibis4sport" "chibis nulnulsieben" "chibis4world" "besfort007" "Chibis007" dhe "RTKvikendi" !

  Po ashtu, më herët që nga viti 2010 e deri në vitin 2014 firma "Acromax Media GmbH" (Aldor Nini) i ka suspenduar edhe këto kanale me mijëra video autentike të cilat i posedonte vetëm kompania e M1-shit:
  "chibis007argetuese" "chibis007humor" "chibis007mix" "chibis007film" "chibis007humor" "chibis007ops" "kosovahd" "Kosovahdtv" "besfortde" "wwwbesfortde" "BESFORTVIDEO" "DafinaDuffyeM1" "DuffyeMusic" "DafinaZeqiriM1" "007chibis007" "wwwbesforttv" "hdtvkosova" "besfort007" "showodeon" "besforttv" "RTK RINON" "FCPrishtina" etj!

  Gjithë e dimë se i pari personi i cili e bëri të famshëm "YouTuben" në mesin e shqiptarëve ishte kameramani i njohur Besfort Hasanaj i njohur si "Çibis" i cili me publikimet e videove nga viti 2006 e deri në vitin 2010 kishte kanalin e famshëm "Chibis007" me mbi 2600 video nga arkiva e tij personale përfshi aty edhe materialet arkivore nga ish TVP, pastaj nga RTK, TVSH, RTV21, KTV, ajo kohë kur këto televizione as që dinin çka është dhe si funksionon “YouTube”!

  Besforti me punën e tij vullnetare përveç se ju ndihmonte artisteve dhe i promovonte gratis, njëherit i ndihmonte edhe televizioneve duke ju reklamua emisionet e tyre për shikuesit anë e mbanë botës, në baza vullnetare pa asnjë përfitim material! Sa për info deri në fund të vitit 2010 në YouTube nuk kishte monetizim të videove sikur tani!

  Por, shtrohet pyetja, si është e mundur që gjitha këto kanale ti mbyllen kompanisë M1 në YouTube pa asnjë arsye?
  Kur kërkuam këto kanale ne YouTube del info:

  "This account has been terminated due to repeated or severe violations of our Terms of Service" !
  

  

   Kjo do të thotë se kanalet nuk janë të suspenduara për shkak të drejtave autoriale por për shkak të thyerjes së rregullave të YouTubes !?!

  Ishim kureshtar ta pyesim menaxherin e kompanisë Besfort Hasanaj dhe të na sqaronte pse dhe si po mbyllen në YouTube gjitha ato kanale plot 5 vite me mijëra video të postuara ?

  Indeksonline: z. Besfort, çka po ndodh kështu në YouTube? Pse vetëm kanalet e juaja me vite janë të sulmuara nga "Arkivashqip"

  Besfort Hasanaj: Shumë e logjikshme për ata të cilët e kanë përcjellë situatën në YouTube nga viti 2010 e këndej! Për ata të cilët nuk kanë njohuri në të kaluarën po tentoj të ju sqaroj shkurt. Kur kanali ynë në YouTube nga viti 2008 deri ne vitin 2010 me emrin e Userit "Chibis007" ishte kanali më i famshëm në Evropë për kah shikueshmëria dhe me numër rekord video të postuara, ndërkohë ai pronari i kanalit "Arkivashqip" z.Aldor Nini merrej me një profesion tjetër, si pirat dhe mashtrues i softëerave dhe shërbimeve të internetit përmes një firme e quajtur "Overnext" dhe „Easycom” nëpër territorin e Gjermanisë dhe Holandës! Stafi ynë posedon shume shkrime nga portalet e ndryshme Gjermane, rreth mashtrimeve të firmës të Aldor Ninit ndaj klientëve Gjermani!

  Ndërkohë, ai duke u inspirua nga kanali ynë në YouTube, dhe duke e pa mundësin e përfitimeve nga gjenerimi i reklamave përmes Google-s nga fillimi i vitit 2010 i lindi ideja së bashku me të ndjerin babën e tij Dorian Nini të fillojnë edhe ata me YouTube, por që për ta arritur qëllimin e tyre u duhej se pari të na eliminojnë neve nga YouTube!

  

  Indeksonline: Po si ju eliminuan juve ?

  Besfort Hasanaj: Shumë thjesht, se pari Aldor Nini mur një nënshkrim nga kompozitori kosovar Enis Presheva për një këngë te Leonora Jakupit, pastaj baba i tij Dorian Nini në Tirane mur një pëlqim nga kompozitori Agim Doçi dhe po ashtu falsifikuan një kontratë në emër të Greta Koçit dhe na fshijnë disa video nga YouTube nga kanali i famshëm "Chibis007" dhe ne Mars 2010 na mbyllën kanalin e parë! Sipas rregullave të YouTubes, një kanali që u fshihen tre video u suspendohet kanali! U ankuam (dërguam Counter Notification) por Aldor Nini mashtroj gjykatën me kontrata falso dhe me një vendim të shpejtë nga gjyqi (pa prezencën time!) nxori një vendim të përkohshëm gjyqësor të cilin pastaj ja dërgoj Youtubes, dhe po ashtu ja dërgoj mediumeve në Tirane dhe Prishtinë duke i paguar për të shkruajtur lajm sensacional, kinse firma e tij ka fituar tre gjyqe në Gjermani kundër meje për të drejtat autoriale! Po ashtu paralelisht filloj ti gënjej edhe artistet kinse Besforti ka përfituar shumë lek në YouTube (Edhe pse në atë kohë isha i vetmi Partner i YouTubes që nuk i kam monetizu fare klipet!!!) dhe se ai /Aldor Nini) dhe firma e tij në atë kohe me emrin "Easycom" kanë kontrate me Google-n për mbrojtjen e drejtave te autoreve ne internet!

  Indeksonline: Po mirë, por çka ndodhi me kanalet tjera pas viti 2010 ?

  Besfort Hasanaj: Se pari duhet ta ceku gabimin tim ne vitin 2010, pse nuk i mora seriozisht ato vendime gjyqësore të cilat Aldor Nini ju dërgoj mediumeve, dhe perse nuk u ankova ne ato vendime gjyqësore? Aty ishte gabimi im ma i madhe! Ma vonë e kuptova kur u njoftova me familjen Koçi se Aldor Nini ka falsifiku nënshkrimin e Greta Koçit, e që tek tani ne vitin 2015 (me vonesë) u ankova në gjykatë dhe ai vendimi gjyqësor nga viti 2010 ne rastin e Greta Koçit u anulua! Por le ti i kthehemi kësaj teme pse dhe qysh na suspendon kanalet Aldor Nini i firmes "Acromax Media" (Arkivashqip) nga viti 2011 e kendej...
  Aldor Nini nderkohe eshte ber Partner ne YouTube ne vitin 2010 me kontrata falso kinse posedon te drejtat autoriale, ne fillim ka fitu Content-ID (CMS) nje Tools i cili te sjell shume përfitime ne YouTube, duke monetizu çdo video, duke keqpërdore Copyright, duke fshi videot konkurrencës, dhe përmes atij Tool-si hap kanale pa kufi me status Partner, dhe bëhesh milioner shume shpejte me e edhe me videot te cilat fare nuk i posedon te drejtat autoriale, dhe ne ketë mënyre kur ke shume klikime edhe Supporti i YouTubes të beson dhe të ndihmon si klient!
  Ky ka shfrytëzua aty momentin dhe pastaj neve si konkurrenti kryesor në YouTube na monitoronte çka po bëjmë, çka po postojmë dhe pastaj i denonconte kanalet tona tek Google duke ju thënë se ky kanal "XXXX" është i Besfortit te cilit në vitin 2010 ju ka mbyll kanali, dhe i cili sipas rregullave të YouTubes nuk ka të drejtë të hap kanal tjetër!

  Indeksonline: Kaq thjeshtë ju suspendon kanalet në YouTube?

  Besfort Hasanaj: PO, ai vetëm në këtë mënyrë mund të na suspendoj kanalet tona (edhe pse nuk është e logjikshme!), e JO për drejtat autoriale sepse ai e din se nuk i posedon të drejtat autoriale në videot tona! Ai mashtrues përdore edhe një mënyrë tjetër, një trik i thjeshte siç ka ndodhe para disa ditëve ku na suspendoj 8 kanale! Në njërin kanal na fshiu me qellim një video me titull "Çun Lajçi & Meda - Heshtje gjeneralësh - Deçan 24.3.2015 " ku për ketë video exkluzivisht M1-shi i posedon te drejtat autoriale me autorizim te aktorit Çun Lajçi dhe këngëtarit Meda!
  Në momentin që ne u ankuam në Youtube për denoncim falso të të drejtave autoriale, firma "Acromax Media" për ti ikur procesit gjyqësor ai ju shkruan YouTubes një letër nën betim kinse ne si ankues po gënjejmë dhe kemi dërguar Counter Notification me shënime fallso, dhe pastaj brenda ditës YouTubi na suspendon kanalin, siç ndodhi këto dite!!!
  Përveç këtij kanali ku na fshiu videon në të njëjtën kohe i lëshojë edhe për 8 kanalet tjera te M1-shit dhe po ashtu kanalit zyrtar të emisionit "Vikendi RTK" me të gjitha episodet qe ishin të postuara tash e tre vite, vetëm e vetëm pse menaxhohej nga M1-shi!!!
  

  

  Indeksonline: Disa vite ju menaxhojshit edhe videot e Dafina Zeqirit, po ato si dhe pse u fshinin nga YouTube?

  Besfort Hasanaj: E njëjta metode e zhdukjeve të videove të Dafina Zeqirit nga YouTube deri ne fund te viti 2012 ka ndodhur ne ketë mënyrë! Të gjitha kanalet që i postonim videot e Dafines na i suspendonte në ketë mënyrë Aldor Nini i Acromax!!!
  Po i ceku vetëm disa kanale të cilat ishin vetëm me videot e Dafines: "DafinaDuffyeM1" "dafinaM1" DafinaZeqiriM1" "007chibis007".... Na suspendonte një kanal, hapnim tjetrin, prapë na suspendonte, prapë hapnim tjetrin....

  Indeksonline: Po si mund të ndodh ai person kaq lehtë të ju dëmton edhe juve edhe artistet dhe nuk përgjigjet para ligjit?

  Besfort Hasanaj: Ne vitin 2013 dhe ne vitin 2014 u "ngul" ma ne fund para gjyqi Aldor Nini dhe firma e tij "Acromax GmbH"! Nëse ju kujtohet ai mashtrues Aldor Nini përmes "Thumbisteve" të Tiranes kishte publiku një video kundër nesh me qellim diskriminimi te personalitetin tone! Atë video te postuar ne ja fshijmë nga YouTube, dhe ai u ankua ne emër te vet dhe firmës së tij tek YouTube për fshirjen e asaj video. Ai kishte menduar se ne do rrimë pasiv sikur ne vitin 2010, dhe nuk kishte llogaritur se ne kemi mbledh mend, ku sipas rregullave të YouTubes personi i cili dërgon ankese (Counter Notification) ne rast te fshirjes se videos, ne ketë rast Aldor Nini, atëherë unë menjëherë angazhova avokatin tim dhe e paraqita ne gjyq, sepse sipas rregullave te YouTubes kisha afat 14 dite nga ankesa e ankuesit per ti dergu YouTubes nje vendim gjyqi ose ne te kunderten YouTubi pas 14 ditësh ia kthen videon ankuesit, kështu që unë menjëherë veprova dhe në vitin 2013 dhe 2014 patëm tre procese gjyqësore (deri tek instanca ma e larte Oberlandsgericht ne Köln dhe te tre proceset gjyqësore unë i fitova, dhe atij perveq vendimit gjyqësor ku nëse përsërit të njëjtën gjë kundër meje do te dënohet me 250.000 Euro, ai pagojë edhe të gjitha shpenzimet gjyqësore (avokatin tim , tre te tij dhe shpenzimet gjyqësore) e qe i kushtuan rreth 48.000 Euro!!! Sa për info ai kishte angazhuar separat tre avokatet ma te njohur ne Gjermani por qe nuk i ndihmuan dot pasi qe drejtësia ishte ne anën time! Shkau i këtij rasti ai prishi marrëdhëniet edhe me Flori Mumajesin, e siç e dini edhe Flori Mumajesit ne te njëjtën mënyrë sikur mua "Arkivashqip" ka fshi 11 kanalet e artisteve te "Threedots" ne YouTube!!!

  Indeksonline: Po tani si do veproni ? A do të vazhdoni ende me YouTube?

  Besfort Hasanaj  Këto vitet e fundit ne edhe nuk ishim aktiv në YouTube sikur përpara, e vetmja arsye është se nuk ka asnjë lloj garancie ne funksionimin e YouTubes siç po e vëreni! Jemi për çdo dite duke mbledhur argumente rreth mashtrimeve te Aldor Ninit dhe firmës te tij "Acromax Media" dhe firmave tjera mashtruese te tij. Ne do vazhdojmë me YouTube tek pasi qe ta merr dënimin e merituar ky mashtruesi, dhe kur ta bindim Google-n dhe gjykatat rreth mashtrimeve te tij nga viti 2010 e këndej, i cili këto vite ne mënyrë te pandershme ka fituar rreth 15 milion Euro nga YouTube pa paguar artistet, dhe duke i ikur tatimit në Shqipëri Gjermani dhe Kosove. Siç e dini ka shume artistë te cilët i ka mashtrua ky mashtrues dhe nuk ju ka nda përfitimet, e po ashtu edhe ne anën tjeter duke ia hanger hakun kompozitorve tekstshkruesve dhe produksioneve. Kemi informata se kohëve te fundit shumë nga artistët shqiptar kanë fillua ta kuptojnë YouTuben dhe kane filluar ti ikin kësaj kompanie "Acromax Media", e të cilit i kanë mbet vetëm disa këngëtar "Tallavaxhi"!

  /Indeksonline http://www.indeksonline.net/?FaqeID=4&LajmID=175732 /

   

   

   

  

   

   Kanali "Arkivashqip" tre here eshte suspenduar nga YouTube, por kur ke miliona e rikthen prap...

  

   

   Edhe Eni Koçi disa here ka deklaru rreth mashtrimeve te Arkivashqip, Acromax, Alias Easycom, Overnex

  

   

   

  

   

   Ne vitin 2014 Besfort Hasanaj fitoj tre procese gjyqesore per Drejtat Autoriale nga mashtruesi Aldor Nini dhe Acromax (Arkiavshqip)

  

  Read more »

• Game Over: Skandalet ne YouTube, Artistet viktima te bisnesmeneve!

  Dec 20, 2013 by Admin / 2,062 Views

  Shkrimi i gazetes "Game Over" me daten 20.1.2013
  Skandali i Youtube: Artistët, viktima të biznesmenëve
  
  Thonë që padija vret, e në rast se nuk vret shkakton dëmtime serioze.
  Pikërisht kjo ka ndodhur me artistët shqiptarë, të cilët janë viktima të “biznesmenëve”, të cilët fitojnë e përfitojnë nga arti i tyre.
  ,Ndoshta të gjithë e keni vënë re se shumë nga videoklipet e këngëtarëve shqiptarë nuk gjenden më në rrjetin e videove Youtube.
  Emra të njohur të skenës dhe tregut muzikor janë penalizuar, falë një konflikti që “biznesmenët” e kanaleve në Youtube kanë me njëri-tjetrin. Kështu, nëse kërkoni ndonjë këngë të Elvana Gjatës, apo anëtarëve të tjerë të “Threedots”, vështirë se do të gjeni videoklipet e tyre zyrtare...
  Po ashtu, nuk do të gjeni as këngët me miliona klikime të Fjolla Morinës, Stresit, Klajdi Harunit, Flori Mumajesit, e shumë emrave të tjerë...
  Rrjetit të videove më të famshëm në botë, i kanë munguar për disa ditë edhe mjaft këngë të tjera Hit-e, si ato të Alban Skënderajt, Miriam Canit, Noizy, Silva Gunbardhi, Alfred Sulës, Serxhio, Teuta Selimit, Getoar Selimit, Tuna, Mimoza Shkodra, Seldi Qalliu, Sinan Hoxha, Ardian Bujupi, Ridvan Gjuzi (Vani), Skillz, Babastars, Gold AG, e të tjerë...
  E gjitha kjo për shkak të konflikteve të “trios” Flori Mumajesi, Aldor Nini dhe Besfort Hasanaj... tre personazhet janë përfshirë në një maratonë të proceseve gjyqësore, ku pavarësisht se cilët dolën të fituar, njëra palë, apo tjetra, viktimat janë vetëm artistët.
  E gjithë çështja vërtitet rreth emisioneve të njohura të asaj kohe të kanalit “Nitro Shqip”, “Thumb” dhe “Sara’s Show”. Emisionet ishin të mbushur me kritika, që në fakt artistët nuk i kanë mirëpritur, ndërsa gjykatat gjermane i kanë konsideruar si kritika aspak profesionale e gazetareske.
  Këto emisione, që transmetoheshin vetëm në Youtube, u “denoncuan” nga disa artistë, që nuk i quanin shaka, fyerjet e këtyre emisioneve.
  Çështja shkoi në Gjykatë, me pretendim të Besfort Hasanajt, që ishte një ndër personazhet e këtyre emisioneve.
  Besforti njihet në rrjetin e artistëve si një menaxher dhe promovues, por edhe si ndër shqiptarët e parë e Youtubes.
  Ankesa e tij do t’i kushtonte shtrenjtë Flori Mumajesit, por njëkohësisht edhe kompanisë “”Acromax”, të drejtuar nga Aldor Nini, që tashmë janë në konflikt edhe me njëri-tjetrin. Flori ishte ankuar ndaj “Acromax”, me pretendimin se kishte publikuar dy nga videot e realizuara prej tij pa të drejta autori... Për këtë arsye, Youtube mbylli kanalin “Arkiva Shqip”, që është pikërisht në pronësi të “Acromax”. Aldor Nini, një ndër pronarët e kësaj kompanie u detyrua që të hedh në gjyq Florin, pasi sipas tij pretendimet e producentit ishin të pabaza. Gjykata Gjermane vendosi në këtë rast shpalljen fajtor të Florit, i cili u dënua me 100 mijë euro me kusht, në rast se përsëriste edhe njëherë të njëjtën gjë.
  Por, çështja e tyre nuk mbyllet këtu...
  Për shkak të “Nitro Shqip”, Aldor Nini i kërkonte Flori Mumajesit të shlyente 34 mijë euro shpenzime gjyqësore, për proceset që kishin hapur këngëtarët dhe Besfort Hasanaj kundër tij.
  Flori refuzoi të shlyente këtë shumë, pasi “Arkiva Shqip”, që publikonte videot, kishte vetëm një pronar dhe ai ishte Aldor Nini.
  Kundër Aldor Ninit vazhdonte edhe një proces gjyqësor, me Besfort Hasanajn, që përfundoi vetëm pak ditë më parë.
  Sipas vendimit të gjykatës, Aldor Nini duhet të paguante 250 mijë euro me kusht, në rast se publikonte edhe njëherë produksione të “Nitro Shqip” kunder Besfortit, gjithashtu edhe mbylljen përfundimtare të “Arkiva Shqip”.
  E ndërsa Flori Mumajesi, Aldor Nini dhe Besfort Hasanaj më në fund arritën të përfundonin proceset ndërmjet tyre, artistët nuk i dëmshpërblen askush. Mijëra këngë, produksione televizive dhe koncerte nuk janë gjendur për disa ditë me radhë, ndërsa video të të tjerë këngëtarëve nuk janë më sot e kësaj dite. Së fundi, këngëtarja Fjolla Morina ka realizuar këngën e saj të re, të lajmëruar me shumë bujë, që në fakt nuk është publikuar për shkak të këtyre konflikteve. Fansat e Elvana Gjatës, Flori Mumajesit, Argjentina Ramosajt, Klajdi Harunit, Vedat Ademit, e shumë këngëtarëve të tjerë, do t’ju duhet që të presin për një kohë të pacaktuar që të shohin videoklipet e këngëve të tyre të preferuara.
  Por dëmi nuk është vetëm ky... Miliona para që fitohen nga klikimet dhe reklamat e Youtube nuk ua kthen askush këngëtarëve, të cilët ndonëse shpenzojnë miliona para për realizimin e tyre nuk marrin asnjë feedback.
  Të gjithë e dimë që klikimet në Youtube përcaktojnë edhe këngëtarët më të preferuar në koncerte, por as ky nuk është më një tregues, ose ndoshta këta emra do t’ju mungojnë për disa kohë mbrëmjeve live.
  Injoranca vret, e në rast se nuk vret shkakton dëmtime serioze... Ky është pikërisht rasti i artistëve tanë, që megjithë situatën, dëmin në shpinën e tyre, “mashtrimeve” dhe shfrytëzimin e artit që ata bëjnë, zgjedhin të heshtin.
  Ne të Game Over kemi tentuar që të lidhemi me disa prej tyre për këtë çështje, por askush nuk dinte të na jepte një përgjigje, ndërsa më poshtë mund të lexoni përgjigjet e dy prej protagonistëve për këtë çështje.

   

  Besfort Hasanaj: Aldori fiton 2 milionë dollarë, por nuk i paguan artistët
  
  “Zanafilla e zhdukjeve të shumë videove në Youtube është Aldor Nini, i firmës “Acromax” (ish Easycom) dhe Kushtrim Binaku, i firmës “Onairmusic”.
  Ata kanë mbyllur shumë kanale shqiptare në Youtube, me qëllim që pastaj t’i kenë ato video vetëm ata. Përfitimet materiale të tyre, legalisht dhe ilegalisht janë më shumë se 2 milionë dollarë në vit. Artistët më së shumti i ka dëmtua “Acromax”, pasi mangësitë e funksionimit të “YouTubes” ja kanë bërë më të thjeshtë. YouTube nuk fuksionon siç mendojnë artistët.
  Ai është vetëm një portal me një program të sotisfikuar, që quhet “Conten ID”, që shfrytëzohet për përfitime materiale dhe bllokimin e videove të kopjuara. Edhe vetë Youtube-i është vetëm ndërmjetësues i postimeve. Në çdo lloj konteksti, ata nuk mbrojnë as postuesit, as autorët e dëmtuar, por zbatojnë urdhrat e gjykatave. Gabimi më i madh i artistëve është që nuk dëshirojnë të lexojnë rreth mashtrimeve të Aldor Ninit dhe nuk interesohen të dinë sesi funksionon ky portal. Aldori është mashtrues profesionist, i cili përveç mashtrimeve, nuk paguan tatime as në Gjermani, as në Shqipëri, por bën pastrim parash.
  Artistët kanë humbur shumë, shumë video të vjetra janë zhdukur, shumë klikime kanë avulluar dhe duke pasur parasysh se artistët krenohen me klikime dhe çmimin e tyre nëpër koncerte e përcaktojnë pikërisht klikimet, atëherë mendoj se kanë humbur shumë.
  Shumë artistë kanë humbur edhe para, si rasti i Rovena Stefës, e cila megjithëse ka pasur 20 milionë klikime nuk ka marrë asnjë cent.
  Aldor Nini ka kontrata me disa produksione dhe disa artistë, që sipas kontratës duhet t’i paguajë 50%, por as ato nuk i nuk ka paguar, si rasti i Eni Koçit, që ka fituar mbi 50 mijë dollarë, por që asnjë cent nuk i ka paguar Aldor Nini.
  Një tjetër mashtrim i tij është edhe fakti që ai i fut videot në kanalin e tij “Arkiva Shqip”, në vend që t’ju hap artistëve kanalin e tyre personal, pasi nëse çdo artist do të kishte një të tillë, atëherë do të shihte përditë sesa para ka fituar nga Youtube. Në kanalin “Arkiva Shqip” nuk ka të drejtë askush t’i kontrollojë të ardhurat përveç Aldorit.
  Çdokush nga artistët mund të bëhet vetë “Youtube Partner”, e çdo artist ka mundësi të fitojë edhe “Conent ID”, por që ta fitojë i duhet të ketë në rritje klikimet, abonuesit dhe mos të ketë “Strike” në kanal, domethënë veprat e hedhura të jenë origjinale.
  Sa i takon pretendimeve të Aldorit, se për “Nitro Shqip” përgjigjet Flori Mumajesin është gënjeshtër. Vendimi gjyqësor është kundër Aldor Ninit si person dhe kundër firmës “Acromax GmbH”!
  Ai në gjykatë ka tentuar të fajësojë “Nitro Shqip”, por nuk ka pasur sukses, pasi unë kisha shumë argumenta rreth mashtrimeve të tij. Përveç dënimit me 250 mijë euro,  Aldori duhet të paguajë tashmë 40 mijë euro shpenzimet gjyqësore, të cilat ka dashur t’ia faturojë Flori Mumajesit, e ky i fundit me të drejtë ka refuzuar t’i paguajë”.
  
  Aldor Nini: Besforti dhe Flori kanë rënë në të njëjtin nivel, çështjen e kanë mes tyre

  
  Kanali Arkiva Shqip është hapur përsëri. Vendimi i Besfortit është kundër emisionit “Sara’s Show”, që në bazë të kontratës është e Flori Mumajesit. Besforitit iu dha e drejta që emisioni i Florit shkelte të drejtat e tij.
  Sigurisht, që “Acromax” çdo dëm të krijuar po ia mban dhe do t’ja mbaj Flori Mumajesit dhe do t’ja kërkoj si dëmshpërblim. Dëmi deri më tani ka shkuar afërsisht 38 mijë euro, por asnjë cent nuk ka qenë për Besfortin.
  Këto kanë qenë shpenzimet e avokatëve për të mbrojtur “Acromax-in” në këtë çështje. Lajmet që “Acromax” është dënuar me 250 mijë euro janë të gabuara. Vendimi qëndron në rast se “Acromax” merr përsipër përsëri emisionin në fjalë “Sara’s Show”, por kjo nuk do të ndodh, pasi ne e kemi mbyllur kontratën me emisionet e “Nitro Shqip” dhe Flori Mumajesin në Mars të vitit 2013.
  Besforti ka arritur fitore kundër kanalit “NitroShqip”, por ky kanal është i licensuar nga Flori. Hasanaj akuzon se “Acromax” ka korruptuar punonjësit e kompanisë Google, por si Flori edhe Besforti, që kanë arritur në të njëjtin nivel në këto momente nuk dinë çfarë po bëjnë. “Acromax” nuk ka asnjë problem dhe 600 klientët e saj mund të gëzohen që kompania ka arritur të ardhura edhe më të larta në muajin e fundit, të cilat do t’ju derdhen në llogarinë e tyre brenda këtij muaji, brenda kohës dhe në kohë. Ne pagesat i bëjmë çdo muaj dhe të gjithë artistët i kanë marrë në kohë. Artistët janë të egërsuar që videot e tyre ishin për dy ditë të paaksesueshme, por tani janë përsëri. Ne kemi investuar në rihapjen e videove për të mirën e artistëve në atë kanal dhe ata e kanë kuptuar”.

   

  Nje skjarim rreth artikullit nga Stafi M1:

  - Titulli sipas nesh duhej te ishte: Artistet viktima te mashtrueseve, e jo te bisnesmeneve!

  - Aldor Nini ka genjye gazetaren kinse ai nuk ka humbur gjyqin, por ai ka deklarue kinse gjyqin ka humbe Flori Mumajesi!? Deklarata e tij nuk eshte e vertet sepse ne procese gjyqesore Besfort vs Aldor Nini nuk permendet askund emri i Flori Mumajesi. Ne foto shifet vendimi i pare gjyqesor ku konfiguron si i akuzuar vetem Aldor Nini dhe Acromax  GmbH!  Edhe ne deklaraten e tij per gazetes "Game Over", Aldor Nini pranon se keto tre procese  gjyqesore qe ka humbur kunder Besfortit  i kane kushtuar mbi 38.000 Euro, çka edhe esht deshmi se gjyqin ka humber Aldor Nini & Acromax, e jo Flori Mumajesi !

  - Poashtu ju informojme se ne proceset gjyqesore Aldor Nini ka prezantue nje kontrate mes Acromax dhe nje personi me emrin Magdelin Shahinaj i prezantuar si drejtor i "Nitro-Shqip" kanalit ne YouTube !!! Poashtu, ne anen tjeter Aldor Nini ka prezantuar neper mediume nje kontrate tjeter mes tij dhe Flori Mumajesit per kanalin Nitroshqip !?! Siq po shifni, ai me nje ane ka mashtruar gjyqin, duke prezantuar kontraten me shkrim nga z. Shahinaj te cilin e ka ftuar  edhe si deshmitar ne gjyqe, por qe Beforti i argumentoj gjyqit se ai person (z. Shahinaj) as kishte lidhje me kanalin Nitro!  Aldor Nini perdore  disa mundesi per meshtrim, ne gjyjqe nje kontrate tjeter, tek mediumet nje kontrate tjeter ....Siq po shifni ai eshte nje mashtrues super profesional, ku vet ben kontrata sipas qejfit dhe nevojes te tij e ne emer te tjereve, te cilat pastaj i shfrytezonne gjyqe apo per YouTube.  Shumekend ka mashtrue, perveq Besfortin, i cili ja njef shume mire veprimtarin kriminale te Aldor Ninit qysh nga viti 2006, dmth ende p ekzistue Youtube! 

  - Perfitimet materiale nga klikimet  te Arkivashqip (Aldor Ninit) jane mbi 2 milion Euro per nje vit, kurse atat te Onairmusic (Kushtrim Binaku) mbi 2,5 milion ne vit (pasi qe ai monetizon edhe video te kangetarve nga shtetet e Evropes lindore!

  - Ne baze ze toolsit "Content-ID" qe posedojne dy firmat shqiptare Acromax dhe OnairFM (OmniaMedia), ata i monetizojne edhe me mijera kopje te videove nga postuesit ilegal, dmth i materializojne videot neper kanale tjera te kengetarve e qe kengetaret nuk e dijne ket variante mashtruese te tyre,  dmth. fitimet nga kopjet ilegale i inkasojne dhe pas nje kohe ato video ilegale i fshijne nga kanalet piratesk ne menyre qe ti humbin gjurmet nga perfitimet e dyfishta ! (Kangetaret qe kane kontratat me keta dy firma nuk kane njohuri per keto trika te tyre!

  - Çdo kangetar/e qe posedon kanalin e tij/saj personal ka mundesi permes rubrikes "Analytics" ne User te tyre ti shiqojne perfitimet e tyre cdo dite, por, videot te cilat gjenden ne kanalet e Onaimusic dhe Arkivashqip nuk kane mundesi ti kontrollojne fitimet.  Sidomos Arkivashqip me qellim i mashtron artistet duke i postue shumicen e videove ne kanal te tij ne menyre qe vetem ai ta ket kontrollen ne perfitimet!

  - Shuma e perfitimeve nga klikimet mvaret edhe nga shteti i cili klikohen, sa per info klikimet nga Amerika paguhen shume fish ma hume se ato nga Evropa!

  - Ka shume per te diskutuar rreth atyre mashtruesve milionera, por per momentin nuk po ja vlen ti cekim detalet, pasi qe Artistet nuk e lodhin pak trurin te interesohen te lexojne rreth Youtubes, dhe me shume humbin kohe duke u interesue se kush pordhi e cka pordhi parapa skenave se sa qe jane te interesuar ta kuptojne te verteten rreth YouTubit!

  - Per fund kemi vetem nje pyetje per artistet (duhet te logjikoni): Perse keto 4 vitet e fundit as Arkivashqip as OnairMusic nuk kan shkrue ne Facebook rreth funksionimit te YouTubes apo mashtrimeve rreth YouTubes ? Pse ato dy te vetquahtura "Firma" kurre nuk kane japur ndoj informate ne webfaqet e tyre ???... E dini pse ? Pergjigjeja e thjeshte: Ata jane te vetdishem se jane mashtrues, dhe ne ket menyre inkasojne ilegalisht miliona Euro ne vit duke e  mshefur identitetin  veprimtarin , duke mos paguar tatim ne perfitime,  duke mashtruar veprat e artisteve, e shume gjera tjera ...  Keni pa sot ndoj firme ne bote e qe nuk ka webfaqe te tyre me informacione rreth veprimtaris te tyre ? Garant Jo! Vetem keto dy firma profitabile shqiptare nuk publikojne asnje informacion, sepse nuk kane kohe  duke i numeruar Leket nga puna e tyre piratesk!

  Gezuar artiste, kengetar, kompozitore, tekst-shkrues, dhe gjithe juve te cilet me nje apo tjeter menyre jeni te lidhur me ata dy mashtruesit e njohur neYouTube!

   Stafi M1

    

   

  Read more »

• Besfort Hasanaj: E verteta e pergjimeve te Dafina Zeqirit (Gazeta Game Over)

  Sep 21, 2013 by Admin / 4,820 Views

  Artikulli ne gazeten "GAME OVER" 20.09.2013 SKANDALI

  Besfort Hasanaj:  E verteta e pergjimeve te Dafina Zeqirit

  
  Eshte nje nder emrat me te lakuar te diteve te fundit, nga mediat, publiku, por edhe artistet... Arsyeja ?! 
  Publikimi i disa bisedave telefonike te regjistruara te kengetares Dafina Zeqiri, e cila tregonte pa dorashka mendimin per koleget e saj dhe maredheniet qe ka me gjithesecilen.
  Konflikti me Dafinen eshte i hershem, ndersa ditet e fundit pergjimet e publikuara perbene nje skandal, qe terhoqi vemendjen e te gjitheve. Protagonistet te kesaj historie dhe "zhurme" mediatike sigurishte qe ishte kengetarja nga Kosova Dafina Zeqiri, por edhe ish-promovuesi i saj Besfort Hasanaj.
  Por cila eshte e verteta e konfliktit te Besfortit me kengetaren e njohur, apo edhe pergjimeve tjera, per te cilat eshte thene se do te publikohen shume shpejte ?
  Besforti na sqaron ne ket interviste, mdersa na rrefen edhe konfliktet me kengetare te tjere shqiptar, si Vesa Luma, Flori Mumajesi, Bleona Qereti etj. 
  
  Besfort, ditët e fundit emri juaj është lakuar shumë në media, për shkak të një konflikti që keni me Dafina Zeqirin. E nisim nga fillimi, cila ka qenë kontrata juaj me këngëtaren dhe kur është prishur ajo? 
  T’ju sqaroj juve dhe opinionit, të tre kontratat që kemi pasur me Dafina Zeqirin kanë qenë kontrata vetëm sa për t’i mbrojtur videot e saj në YouTube nga dy manipuluesit e njohur, siç janë Acromax (ex Easycom) dhe OnAir.FM (ex OnAirMusic). E njëjta gjë është bërë edhe me artistët e tjerë për të njëjtin qëllim. Në krahasim me këngëtaret e tjera, ne vetëm me Dafinën kemi modifikuar kontratat, për tu mbrojtur në raste të piraterisë nga ana e dy firmave të lartëpërmendura, të cilat me komercializimin e YouTube kanë vjedhur dhe kanë përvetësuar punën e veprave intelektuale të artistëve, kompozitorëve, etj. Ata, fal piraterisë së tyre, duke shfrytëzuar Tools-in, i cili quhet “Content-ID” në YouTube, të cilin vetëm ata të dy e kanë në posedim nga shqiptarët edhe janë bërë milionerë, nga viti 2010. Marrëdhëniet e mia me Dafinën janë prishur me angazhimin e menaxherit të saj boshnjak Çekiç, i cili ishte mik e bashkëpunëtor i djemve të kompanisë OnAirMusic, ku edhe problemi filloj me klipin "Tonight" në muajin korrik 2012. Nga ai moment, ne nuk kemi kontakte me Dafinën, pasi ajo vendosi të zgjedhë mes meje dhe Çekiç, zgjodhi boshnjakun, të cilin ne të afërmit e saj e dimë që e ka dashnor që nga Suedia dhe i cili po ashtu është kompozitor i shumë këngëve të Dafinës, të cilat ia realizon pa pagesa. Duhet të veçoj se zyrtarisht nuk kemi prishje të kontratave të mëparshme me shkrim, mes Besfort Video M1 e Dafinës. Kemi dëgjuar se Dafina ka bërë kontratë me OnAir.FM në janar të 2013, domethënë pa anuluar fare kontratat që kishte me ne.
  
  Cilat kanë qenë marrëdhëniet tuaja personale me Dafinën? 
  Dafinën e kam ndihmuar sikur të ishte vajza ime. Edhe ajo mua më konsideronte si babanë e saj, deri në momentin kur në lojë për videot në YouTube hyri boshnjaku Çekiç dhe OnAir.FM.
  
  Si nisi konflikti? Për çfarë arsyesh arritët deri këtu? 
  E përmenda edhe më lartë, se arsyeja e prishjes së marrëdhënieve mes nesh ishte komercializmi i këngëve të saj nga ana e menaxherit Çekiç në YouTube, iTunes e Amazon. Me përfitimet nga shitja e këngëve të Dafinës në iTunes, Amazon dhe nga përfitimet e klikimeve në YouTube, menaxherit të saj Çekiç, iu dha mundësia ideale e përfitimeve materiale dhe përpiloi planin sesi do ta ndaj Dafinën prej meje, në mënyrë që ai pastaj të kishte kontrollin e financave. Disa javë para se të ndërprisnim marrëdhëniet me Dafinën, unë diktova synimet e tij, kuptova se ai ka filluar bashkëpunimin në fshehtësi me kompaninë OnAir.FM. Unë i tregova Dafinës, por ajo si naive i besoi Çekiçit. E paralajmërova Dafinën, por më kot. Çekiçi me ndihmën e OnAir.FM fillimisht Hackuan kanalin e Dafinës në YouTube, ku e fshinë menjëherë videon "Tonight", duke ma hedhur mua fajin. Dafinës i leverdisi ky truk i Çekiçit për të gjetur arsyen e prishet prej meje dhe të vazhdojë me Çekiçin. Rrjedhën e komunikimit dhe si ka ndodhur ngjarja e kemi ilustruar me fakte në muajin gusht 2012, në kët link: 
  http://telenovelashqip.blogspot.de/2012/08/telenovela-tonight-dafina-cekic-vs-m1.html
  
  Këto ditë keni publikuar disa përgjime, ku Dafina fyen koleget e saj. Të çfarë periudhe i përkasin ato përgjime dhe pse i publikuat pikërisht tani? 
  Nuk është e vërtet që ne i kemi publikuar ato video skandaloze, intervistë, apo përgjime siç e quani ju. Ajo video është publikuar së pari në YouTube nga dikush me emrin "Estrada-Wikileaks" (prezantohen si fansa të mëdhenj të M1-shit), pastaj ajo video është kopjuar nga YouTube dhe është hedhur në web faqen www.m1.besfort.tv, e cili administrohet nga disa djem. Ne ndër të parët e kemi bërë "Share" atë video në profil tonë në Facebook dhe një gazetar i “Express”-it sapo e ka parë videon menjëherë ka publikuar artikullin, duke thënë se Besforti ka publikuar videon dhe pastaj ai lajm ka vërshuar nëpër portalet mbarëshqiptare.
  

  

  
  Për të gjithë ata që nuk kanë arritur të shohin videon në kanalin tuaj Besfort M1, mund të na tregoni disa nga komentet më pikante që Dafina ka bërë për koleget e saj? 
  Më befason fakti se si mediat i japin aq shumë rëndësi se çfarë ka thënë Dafina për koleget e saj, apo për mediat, e në fakt asnjë media nuk ka përmendur faktet në atë video, ku argumentohet tradhtia kontraktuale e Dafinës ndaj Besfort Video M1, e po ashtu mashtrimet që ajo bën në intervistën e dhënë në RTV21, ku gënjen moderatorin e opinionin, se nuk ka pasur asnjë kontratë me Besfort Video M1!? Si mund të gënjejë publikisht një këngëtare rreth promotorit të saj, apo të tradhtoj babin, siç ajo e konsideronte? Opinioni mbarëshqiptarë e ka ditur se nga dita e parë e karrierës të Dafinës në vitin 2007, "Besfort Video M1" ka promovuar këngët e saj pandërprere, çdo performancë të saj, qoftë në intervista në TV, koncerte, festivale, po ashtu në miliona komente të postuara nëpër videot e saj, duke i pastruar nga komentet negative. Me një fjalë, stafi ynë është kujdesur ditë e natë për vite me radhë, vetëm e vetëm që ta bëj të famshme Dafinën, duke u bazuar në marrëdhëniet familjare dhe shoqërore me familjen e saj, e gjithë këtë shërbim stafi ynë e ka bërë në baza vullnetare, pa përfituar asnjë qindarkë. Me paraqitjen e dy firmave abuzuese, si Acromax e OnairFM në Youtube, për qëllimet e tyre fitimprurëse kanë filluar edhe keqinformimet se Besforti po fiton nga artistët në YouTube, megjithëse siç ju thashë, ju betohem që kurrë nuk kam fituar asnjë qindarkë nga promovimet e videove të artistëve, e as nga videot e Dafinës. Ata që më njohin nga afër e dinë mirë që këtë punë unë e bëj nga pasioni dhe e kemi si ushqim shpirtëror.
  
  Menjëherë pas publikimit të përgjimeve që ju i keni bërë, Dafina ka reaguar duke thënë se avokati i saj do të fillojë procedurat ligjore kundër jush. Është ngritur deri tani padia?
  Nuk është e vërtet që Dafina ka përmendur emrin tim. Nëse e keni dëgjuar me vëmendje, deklaratat e avokatit zyrtar të Dafinës, z. Arianit Koçin dhe avokatin tjetër z.Tome Gashi në televizionin KTV (emisioni Express) dhe Klan Kosova (Emisioni Prive), ata kanë deklaruar se do ngrenë aktpadi kundër personit të panjohur, i cili ka publikuar ato përgjime pa autorizim, si dhe do ngrenë aktpadi ndaj publikuesit të materialeve! Sa për sqarim, Dafina Zeqiri kishte angazhuar avokatin Arianit Koçi, kurse në emisionin e Klan Kosovës "Prive" ishte paraqitur me deklaratë/intervistë edhe një avokat tjetër i njohur në Kosovë, me emrin Tome Gashi, të cilin fansat e Dafinës e njohin si babai i një të dashuri të Dafinës, me emrin Albin Gashi. Duhet theksuar se këto dy emisionet e dy televizioneve Kosovare, siç janë KTV dhe Klan Kosova, kanalet e tyre në YouTube menaxhohen nga kompania abuzuese OnAir.FM, të cilët janë konkurrentët tanë. Një fakt shumë me rëndësi për opinion, në Kosovë janë vetëm këto dy televizione, të cilat bëjnë histori rreth ShowBizit, ku autorët e emisioneve të lartpërmendura financohen nga OnAir.FM. Besoj se tani e keni të qartë përmbajtjen e atyre dy emisioneve dhe politikën redaktuese të ShowBizit!

  Video skandaloze e Dafina Zeqirit

  Dafina Zeqiri - Pronto Estrada Shqiptare Tuna po han mut exkluzive Video

  
  
  Ndjeheni i kërcënuar? 
  Pas daljes në opinion të asaj videoje, neve na kanë ardhur shumë telefonata kërcënuese nga miqtë e Dafinës dhe nga disa fansa...
  
  Pse e denigruat konfliktin me Dafina Zeqirin deri në ofendime personale, në lidhje me moralin? 
  Nuk e di nga e keni marrë këtë informacion, por fakt është se Leku (Dollart $) e lidhja e dashurisë së Dafinës me Çekiçin janë arsyet kryesore përse ajo ka vepruar në atë mënyrë, duke tradhtuar personin më të afërt, i cili ka sakrifikuar shumë artistë të tjerë të mëdhenj për një Dafina Zeqiri.
  
  Besfort, konflikti me Dafinën nuk është i pari dhe i vetmi për ju. Më herët keni pasur konflikte edhe me këngëtare të tjera, si Bleona Qereti. Shumë ju kanë akuzuar si shantazhues, por e vërteta si është? Pse keni kaq shumë konflikte me këngëtaret? 
  Slogani kryesor i dy konkurrentëve tanë në YouTube është, "Besforti ka konflikte me të gjithë artistët". Të njëjtin slogan e përdorin edhe këngëtaret me të cilat kemi pasur konflikte. Ju lutemi, analizoni rastet veç e veç dhe do shihni se si ato këngëtare, me të cilat kemi pasur konflikte janë viktimat e promotorëve abuzues të YouTube, të cilët i kanë viktimizuar artistët duke shfrytëzuar naivitetin dhe mosdijen e tyre rreth funksionimit të YouTube. Po i përmend viktimat më radhë, Bleona Qereti, Vesa Luma, Flor Mumajesi, Dafina Zeqiri dhe së fundi Thumbistet e “NitroShqip”. Viktimat e firmës Acromax janë, Bleona Qereti e Vesa Luma, të cilat duke mos ditur si funksionon YouTube na kanë fshirë nga një video të tyre në kanalin tonë pa paralajmërim, megjithëse kemi pasur marrëveshje për publikim. Po ashtu, viktimë e Acromax-it është edhe Flori Mumajasi, i cili është bashkëpunëtor i Aldor Ninit nga Acromax dhe pa paralajmërim na ka fshirë dy video të Argjentina Ramosajt, edhe pse kemi pasur kontratë me Argjentinën! Viktima e fundit e Acromax janë Thumbistet e kanalit “NITROShqip”, më saktë “Sara Show”, e cila me fjalë të Aldor Ninit dhe Flor Mumajasit na ka vjedhur një video dhe e ka postuar në kanalin e tyre, na kanë ofenduar dhe në fund ne u kemi fshirë videon nga YouTube dhe i kemi paditur në gjyq për Copyright, për ofendim dhe për përfitime në mënyrë të paligjshme. Dy seancat gjyqësore kundër Acromax e “NITROShqip”, në gjykatën e Kelnit i kemi fituar dhe ata janë dënuar me gjobë 250.000 euro, me kusht nëse e përsërisin edhe njëherë piraterinë kundër nesh. Viktima e fundit, Dafina Zeqiri është viktimë e OnAirMusic dhe Çekiç, po ashtu arsyeja, video në YouTube. Tragjedia më e madhe në këto histori është se as vet këngëtarët e lartëpërmendur nuk e kuptojnë termin "Copyright" dhe sistemin si funksionon YouTube. Do i pyes ato këngëtaret viktima, çfarë kanë fituar më mënyrën e fshirjes së videove të mia? A kanë fituar para nga Acromax? Jo! Pak kush e di se në të vërtetë, të gjitha ato këngëtare, të cilat janë viktima të atyre abuzuesve janë tradhtuar më vonë, si Vesa Luma, pasi na tradhtoj neve në vitin 2011 për Acromax më vonë u tradhtua edhe nga Acromax, e tani ka kaluar tek OnAirMusic. Është i njohur rasti i motrave Koçi më herët, të cilat janë tradhtuar nga Acromax, pastaj rasti i Rovena Stefës, e cila po ashtu u tradhtua nga Acromax. Janë edhe disa këngëtarë, të cilët janë tradhtuar nga OnAir.FM dhe kanë kaluar pastaj tek Acromax... Me një fjalë artistët shqiptarë janë shumë naivë dhe shumica e tyre nuk kanë as njohuri elementare se çfarë është e drejta e autorit. Ata as që e dinë si funksionon YouTube dhe besojnë tek mashtruesit, të cilët ju premtojnë shumë klikime, klikime të cilat i blejnë me para, sa për t’iu bërë qejfin këngëtarëve, e pastaj edhe normal se nuk ju paguajnë paratë e fituara. Kjo temë është e gjerë dhe e komplikuar për ta sqaruar në intervistë.
  
  Keni lajmëruar se së shpejti do të publikoni edhe përgjime të tjera. Mund të na tregoni diçka më shumë mbi këtë, kush është protagonist i atyre përgjimeve dhe cilët emra përmenden në to? 
  Ne personalisht nuk kemi paralajmëruar asgjë, por ato paralajmërime i ka shkruar publikuesi me emrin "Estrada-Wikileaks", të cilët përmes telefonit na kanë argumentuar se kanë incizime të tjera, duke na lëshuar disa sekuenca të bisedave me shumë artistë të njohur shqiptarë. Nëse ata i publikojnë në Youtube, normalisht që edhe ne ato video do i shpërndajmë "Share" në rrjetet sociale, siç i bëjnë edhe të tjerët. Se cili është ai ekip me emrin "Estrada-Wikileaks" dhe nga i posedojnë ato biseda, ne nuk kemi asnjë ide.
  
  /Rudina Alizoti "Game Over"/

  Revista Gam Over 20.09.2013

  

  Read more »